Vobkent axborot-kutubxona markazi faoliyati toʻgʻrisida
MAʻLUMOT
Bugungi kunda kitobxonlikni keng targʻib etish, yoshlarni badiiy asarlarni mushohadaga chorlash hamda bu orqali asriy anʻanalarimizni saqlagan holda maʻnaviyatimiz va madaniyatimizga hissa qoʻshish har birimizning burchimizdir.
Prezidentimiz Shavkat Mirziyoyev, “Kitobsiz-tarqqiyotga, yuksak maʻnaviyatga erishib boʻlmaydi.” Dunyodagi har qaysi davlat, har qaysi millat birinchi navbatda oʻzining intellektual salohiyatini, yuksak maʻnaviyati bilan qudratlidir.Bunday yengilmas kuch manbai esa, avvalo , insoniyat tafakkurining buyuk kashfiyoti-kitob va kutubxonalarda, –deb taʻkidlaydilar.
Respublikamiz aholisini badiiy, ijtimoiy-siyosiy, ilmiy maʻrifiy adabiyotlarga boʻlgan extiyojlarini qondirish hamda aholini kitob mutolaasiga va kitobxonlik madaniyatiga jalb qilish maqsadida Oʻzbekiston Respublikasi Prezidentining 2019-yil 7-iyundagi “Oʻzbekiston Respublikasi aholisiga axborot-kutubxona xizmati koʻrsatishni yanada takomillashtirish toʻgʻrisida”gi PQ-4354-sonli, viloyat hokimining 2019-yil 12-iyundagi 328-sonli qarorlari hamda Vobkent tuman hokimining 2019-yil 13-iyundagi 5818-sonli qarori asosida 2019-yil 2-dekabrdan boshlab tumanimizda axborot-kutubxona markazi ish faoliyatini boshladi.
Axborot-kutubxona markazi binosi tuman markazidagi “Doʻstlik” mahalla fuqarolar yigʻiniga qarashli Ahmad Donish koʻchasi 44-uyda joylashgan.
Bino 2 qavvatli, kutubxona uchun maxsus moslashtirilgan boʻlib, 1974-yilda qurib bitkazilgan.
Kutubxona binosi Vobkent tuman hokimining 2019-yil 19-dekabrdagi 9667-sonli qaroriga muvofiq, sobiq Vobkent maishiy xizmat kasb-hunar kolleji balansidan yangi tashkil etilgan Vobkent tuman axborot-kutubxona markazi balansiga oʻtkazildi.
Axborot-kutubxona markazining jami, umumiy yer maydoni 1608 m2ni tashkil etadi.
Jumladan: qurilish osti yer maydoni 510 m2, koʻkalamzorlashirilgan maydoni 320 m2 (koʻkalamzorlashirilgan maydoniga turli xil mevali,manzarali daraxtlar hamda gul koʻchatlari ekilgan.)
Prezidentimizning 43-54-sonli qarori ijrosini taʻminlash maqsadida, 2021-yilda axborot-kutubxona markazi binosini joriy taʻmirlash uchun tuman hokimligi tomonidan 460 mln. soʻm mablagʻ ajratilib, 2022-yilda toʻliq taʼmirdan chiqarildi.
Ayni vaqtda bino tumanimiz aholisi va yoshlarining maʻnaviy-maʻrifiy,badiiy–estetik talablariga javob beradigan zamonaviy kutubxona maskaniga aylangan.
Prezidentimiz Sh.Mirziyoyev taʻkidlaganlaridek, bugungi kunda xalqimiz orasida kitobxonlik madaniyatini oshirish yoshlarni ommaviy kitobxonlikka jalb etish borasida axborot-kutubxona markazi xodimlarining oʻrni muhim ahamiyatga egadir.
Tasdiqlangan shtatlar jadvaliga koʻra hozirda 19,50 ta shtat birligiga 23 nafar xodimlar faoliyat faoliyat yuritayaptilar. Kutubxonachi mutaxassislar uchun ajratilgan 11 ta shtat birligiga 14 nafar mutaxassislar tanlov asosida ishga qabul qilinganlar.
Jumladan: 1 nafari oliy maʻlumotli, 2 nafari tugallanmagan oliy maʻlumotli, 11 nafari oʻrta maxsus maʻlumotli kutubxonachi mutaxassislar tumanimiz aholisiga kutubxona xizmati boʻyicha xizmat koʻrsatib kelmoqdalar.
Axborot–kutubxona markazining umumiy fondida 199451 nusxadagi adabiyotlar mavjud.
Jumladan: badiiy adabiyotlar 85533 nusxani, siyosiy adabiyotlar 22745 nusxani, sohaga oid adabiyotlar 11203 nusxani shuningdek, rus tilidagi adbayotlar 78456 nusxani, lotin yozuvidagi adabiyotlar 5514 nusxani tashkil etadi.
Axborot kutubxona markazi tumanimizning 149000 nafar aholisiga xizmat qilishga moʻljallangan. Hozirda foydalanuvchilar soni 15346 nafar, qatnov soni 31362 nafar, oʻrtacha bir kunda tashrif buyuruvchilar soni 105 nafar, kitob va axborot berilishi 93126 donani tashkil etadi.
Hozirgi kunda tumanimiz aholisi kitobxonlariga qulay va zamonaviy axborot kommunikatsiya texnologiyalari asosida sifatli axborot kutubxona xizmatlarini koʻrsatish maqsadida, axborot kutubxona markazining moddiy texnika bazasi yangi zamonaviy jihozlar hamda texnika vositalari bilan boyitilib kelinmoqda.
Jumladan: 21 dona kompyuterlar, 6 dona skaner, 8 dona printer, 1 dona katta hajmli monitor, 2 dona televizor shuningdek, 5 dona noutbuk, 2 dona rangli 3×1 printerlardan hamda WiFi internet tarmogʻidan abonentlar va kitobxonlar foydalanishlari uchun xizmat qilmoqda.
Binoda yanada qulayliklar yaratish maqsadida 2 dona konditsioner, 1 komplekt “Zakovat” stoli, 6 dona kreslo hamda minbar va konferensiya aylanma stoli mavjud.
Shuningdek, 110 dona kitob jovonlari, 10 komplekt stol stullar, 12 ta kuzatuv kameralari hamda binoda kuz-qish mavsumida issiqlikni taʻminlash maqsadida, koʻmir yoqilgʻisiga moslashtirilgan issiqlik tizimlari oʻrnatilgan.
Kutubxona binosida yongʻin xavfsizligini taʻminlash maqsadida yongʻin xavfsizligi burchagi, 20 dona oʻt oʻchirgich bilan taʻminlangan hamda toza ichimlik suv quvirlari oʻtkazilgan.
Binoning estetik koʻrinishga ega boʻlishi uchun binodagi ortiqcha buyum va jihozlarni saqlashda 12 m x 6m kattalikdagi ayvon (naves) qurib bitkazildi, qoʻshni tashkilotni toʻsib turuvchi 50 metrli beton devor koʻtarildi, binoning 778 m2-maydoni asfaltlashtirildi.
Binoda elektr tokini tejash hamda foydalanuvchilarga qulaylik yaratish maqsadida 20 KVT li kuchlanishga ega quyosh panellari oʻrnatilgan.
Ayni vaqtda axborot-kutubxona markazida yuqoridagi imkoniyatlardan samarali foydalangan holda kitobxonlarga imkoniyat darajasida zamon talablari mos xizmat koʻrsatilmoqda.
Prezidentimiz taʻkidlaganlaridek, “Kitobxonlik madaniyatini yuksaltirish buyuk maqsadlarimizga erishishning muhim kafolatidir. Kitob-beminnat ustoz. Bilim va maʻnaviy yuksalishga erishishning eng asosiy manbai”.